၁. ၀န်ဆောင်မှုလုပ်ငန်းနယ်ပယ်များ

• FixYou သည် မိုဘိုင်းလ်ဖုန်းပြင်ဆင်မှုလုပ်ငန်းကို အဓိကလုပ်ကိုင်ပြီး ဖုန်းမျက်နှာပြင်လဲလှယ်မှုများ၊ ဘက်ထရီပြဿနာများကို ဖြေရှင်းခြင်း၊ နှင့် အခြားသော ဟာ့ဒ်ဝဲနှင့် ဆော့ဖ်ဝဲပြုပြင်မှုများ စသည့်ပြင်ဆင်မှုအားလုံးကို One-Stop Service ပေးသော လုပ်ငန်းတစ်ခုဖြစ်သည်။
• FixYou ၏ ဝန်ဆောင်မှုများ ရရှိနိုင်ခြင်းသည် လိုအပ်သော Spare Part ပစ္စည်းများ၏ ရရှိနိုင်မှုနှင့် ပြင်ဆင်ရမည့် ထိခိုက်ထားသည့် အစိတ်အပိုင်းပေါ်တွင် မူတည်သည်။

၂. ဝန်ဆောင်မှုပေးသူ၏ အခန်းကဏ္ဍ

FixYou သည် မိုဘိုင်းလ်ဖုန်း (သို့မဟုတ်) တက်ဘလက် အစရှိသည့် Device များကို အထူးပြုပြင်ပေးသော ၀န်ဆောင်မှုပေးသည့် လုပ်ငန်းတစ်ခု ဖြစ်သည်နှင့်အညီ FixYou Member ၀င်တိုင်း၏ “တောင်းဆိုမှုတိုင်း” ကို ၀န်ဆောင်မှုပေးရန် ကတိက၀တ်ပြုထားသော (Service Provider) လုပ်ငန်းတစ်ခုဖြစ်ပါသည်။ (ဤနေရာတွင်” တောင်းဆိုမှုတိုင်း” ဆိုသည်မှာ FixYou မှဝန်ဆောင်မှုပေးသော လုပ်ငန်းများအားလုံးကို ဆိုလိုပါသည်။ ၎င်းတွင် ဖုန်းပြင်ရန် (သို့) ၀ယ်ယူရန် အစီအစဉ်ရွေးချယ်မှု၊ ဖုန်းပြုပြင်မှု၊ ဖုန်းလဲလှယ်မှုများအတွက် ပရိုမိုးရှင်းကုဒ်များ ပေးဆောင်ခြင်းအထိ ကျယ်ပြန့်သောဝန်ဆောင်မှုများ ပါဝင်ပါသည်။)

၃. Member ၀င်အဖြစ် မှတ်ပုံတင်ခြင်းနှင့် အကောင့်လုံခြုံရေး

• FixYou ၏ Member ၀င်များသည် ဖုန်း သို့မဟုတ် Gmail မှတစ်ဆင့် ကိုယ်ရေးအချက်အလက်များ စာရင်းပေးသွင်းကာ ကိုယ်ပိုင်လုံခြုံရေး လျှို့၀ှက်ကုဒ်များဖြင့် FixYou မှ ပေးအပ်သော Customer ID များကို ရရှိပါမည်။ Customer များသည် မိမိ၏ ကိုယ်ပိုင် Customer ID များဖြင့် FixYou ၏ ၀န်ဆောင်မှုများကို “အဆင့်မြင့်ငွေပေးချေမှုစနစ် (Advance Payment System)” ဖြင့် FixYou ၏ ၀န်ဆောင်မှုများကို ရယူနိုင်ပါသည်။
• ဤမှတ်ပုံတင်ခြင်းလုပ်ငန်းစဉ်တွင် လုံခြုံစွာ အကောင့်ထဲသို ဝင်ရောက်ခွင့်စနစ်အတွက် OTP ကုဒ်များထုတ်ပေးခြင်းနှင့် လိုအပ်ပါက စကားဝှက်များကို ပြန်လည်သတ်မှတ်နိုင်ခြင်းစနစ် (Forget Password) တို့ ပါဝင်ပါသည်။

၄. ကြိုတင်ငွေပေးချေမှုစနစ် (APS)

ကြိုတင်ငွေပေးချေမှုစနစ် (APS) ဆိုသည်မှာ FixYou Member ၀င်များအနေဖြင့် မိမိတို့ရယူလိုသော ၀န်ဆောင်မှုများအတွက် ကြိုတင်ငွေပေးချေခြင်းစနစ်ဖြစ်သည်။ ဤစနစ်သည် FixYou ၏ ၀န်ဆောင်မှုများအားလုံးအတွက် ငွေပေးချေမှုလုပ်ငန်းစဉ်များ စနစ်တကျနှင့် လွယ်ကူချောမွေ့စွာ ဆောင်ရွက်နိုင်ရန် အထောက်အကူပြုပါသည်။

၅. အကောင့်စီမံခန့်ခွဲမှု

FixYou Member ၀င်များသည် Register လုပ်ပြီးချိန်တွင် ကိုယ်ပိုင် ပရိုဖိုင် အကောင့် တစ်ခု ရရှိမည်ဖြစ်ပြီး၊ Member ၀င်တိုင်းသည် မိမိတို့၏ ကိုယ်ရေးကိုယ်တာအချက်အလက်များ Personal Information (PI) ကို ကိုယ်တိုင် စီမံခံခွဲနိုင်၊ ပြုပြင်နိုင်ပါသည်။ ဤ PI သည် ကျွန်ုပ်တို့အား ပိုမိုကောင်းမွန်ပြီး ထိရောက်သောဝန်ဆောင်မှုများ ပေးဆောင်နိုင်ရန် ကူညီပေးပါသည်။ Member ၀င်များသည် ၎င်းတို့၏ ကိုယ်ပိုင်အချက်အလက်များကို လိုအပ်သည့်အခါတိုင်း အပ်ဒိတ် (Update) လုပ်နိုင်ပါသည်။

၆. အစီအစဉ်များနှင့် ပရိုမိုးရှင်းများ

“အစီအစဥ်များ” ဆိုသည်မှာ FixYou မှ ဝယ်ယူနိုင်သည့် အမျိုးမျိုးသော ပက်ကေ့ခ်ျများကို ရည်ညွှန်းသည်။ ကျွန်ုပ်တို့ FixYou သည် Member ၀င်များကို အထူးပရိုမိုကုဒ်များပေး၍ မိုဘိုင်းလ်ဖုန်းများကို ငွေကုန်ကြေးကျ သက်သာစွာဖြင့် လဲလှယ်ရ လွယ်ကူစေရန် ၀န်ဆောင်မှုပေးပါသည်။

၇. Device များအား မှတ်ပုံတင်ခြင်းနှင့် လဲလှယ်ခြင်း

FixYou Member ဝင်များ၏ ပရိုဖိုင်အကောင့်နှင့် ချိတ်ဆက်ပြီး မှတ်ပုံတင်ထားသော Device များသည် ကျွန်ုပ်တို့ FixYou ၏ လဲလှယ်မှုအစီအစဉ်အတွက် အကြုံး၀င်ပါသည်။ ထိုအစီအစဉ်များတွင် အသစ်ဖုန်းများနှင့် အထူးစစ်ဆေးထားသော အသုံးပြုပြီးသားဖုန်းများ (Used Phone) ပါရှိပြီး၊ အရည်အသွေး မြင့်မားသော Device များကိုသာ အာမခံဖြင့် ၀ယ်ယူ/ လဲလှယ်နိုင်ပါသည်။

၈. ကျွမ်းကျင်သော ပြုပြင်မှုဆိုင်ရာ ပညာရှင်များ

FixYou ၏ ပြုပြင်မှုဝန်ဆောင်မှုများတွင် အဓိကအခန်းကဏ္ဍဖြစ်သော ကျွမ်းကျင်သော နည်းပညာရှင်များသည် အသစ်သောဖုန်းများမှ စတင်၍ အသုံးပြုပြီးသားဖုန်းများ (Used Phone) အထိ ကျွန်ုပ်တို့၏ အရည်အသွေးမြင့်မားသော စံချိန်စံနှုန်းများနှင့် ကိုက်ညီစေရန် သေချာစွာပြုပြင်ပေးပါသည်။

၉. တာ၀န်ယူမှု၊ တာ၀န်ခံမှုများ

FixYou သည် ပြုပြင်မှုအတွင်း ဖြစ်ပေါ်လာနိုင်သော ဒေတာ (Data) ဆုံးရှုံးမှုများအတွက် တာဝန်မယူပါ။ ပြုပြင်ရမည့်ဖုန်း၏ ဒေတာများကို FixYou အား ပြုပြင်ရန်မပေးခင် မိမိ Data များအား Back Up လုပ်ထားရန် အကြံပြုပါသည်။

၁၀. အာမခံပေးမှု

• အာမခံပေးသော ပြုပြင်မှုတိုင်းတွင် [သတ်မှတ်ထားသော ကြာချိန်] အတွက် အာမခံ (Warranty) တစ်ခု ပါဝင်ပါသည်။
• အာမခံပေးခြင်း (Warranty) သည် မမှန်ကန်သုံးစွဲမှုမှ ဖြစ်ပေါ်လာသော ပျက်စီးမှုများ၊ သို့မဟုတ် တရားမဝင်ပြင်ဆင်မှုများမှ ဖြစ်ပေါ်လာသော ပျက်စီးမှုများအတွက် အကျူံးမ၀င်ပါ။

၁၁. ဒေသာအချက်အလက်များ ကာကွယ်ပေးခြင်း

• FixYou Customer များ၏ ကိုယ်ရေးကိုယ်တာ အချက်အလက်များ လုံခြုံရေးသည် အရေးကြီးဆုံးဖြစ်သည့်အတွက် FixYou သည် ပြုပြင်မှုလုပ်ငန်းစဉ်အတွင်း တင်းကျပ်သော လျှို့ဝှက်ရမည့် မူဝါဒများကို လိုက်နာပါသည်။
• FixYou သည် Customer များ၏ ကိုယ်ရေးကိုယ်တာအချက်အလက်များကို ပိုမိုကောင်းမွန်သော ပြုပြင်ရေးဝန်ဆောင်မှုများ ပေးဆောင်နိုင်ရန် ရည်ရွယ်ချက်အတွက်သာ အသုံးပြုပါသည်။

၁၂. ငွေပေးချေမှုဆိုင်ရာ မူ၀ါဒ

• ငွေပေးချေမှုသည် မိမိရွေးချယ်ဝယ်ယူထားသော Plans များအတွက် ဝယ်ယူမှု ပြီးမြောက်တိုင်းတွင် မိမိနှစ်သက်ရာ ပေးချေမှုများဖြင့် ပေးချေနိုင်ပါသည်။
• FixYou သည် ငွေသား၊ ခရက်ဒစ်/ဒက်ဘစ်ကတ်များ၊ နှင့် မိုဘိုင်းလ်ငွေချေမှု ပလက်ဖောင်းများ အပါအဝင် ဒစ်ဂျစ်တယ် ငွေပေးချေမှု နည်းလမ်းမျိုးစုံကို လက်ခံပါသည်။

၁၃. ငွေပေးချေမှုဆိုင်ရာ မူ၀ါဒ

• Customer များသည် မိမိတို့ ဝယ်ယူထားသော plans များအတွက် FixYou Technicians များ စစ်ဆေးမှု မတိုင်မီ ရက် (၃၀) အတွင်း ပယ်ဖျက်မှုများကို ပြုလုပ်နိုင်မည်မဟုတ်ပါ။
• FixYou Technicians များ ရက် (၃၀) အတွင်း စစ်ဆေးမှု ပြီးမြောက်ပြီးနောက် Customer များ၏ Plans များဝယ်ယူမှုအတည်ပြုပြီးချိန်တွင် အကြောင်းအမျိုးမျိုးကြောင့် Customer များ၏ မိုဘိုင်းလ် Device များ ပျောက်ဆုံးမှုများ (သို့) ပိုင်ရှင်ပြောင်းလဲခြင်း နှင့် အခြား မိုဘိုင်းလ် Device တစ်ခုသို့ ရွှေ့ပြောင်းတိုင်းတွင် FixYou မှ အစီစဉ်အသစ်သို့ ကူးပြောင်းပေးခြင်း (သို့) Refund Money ပြန်လည်ထုတ်ပေးပါသည်။ (Refer to Refund Money Policy)
• ပြန်အမ်းငွေ သို့မဟုတ် ညှိနှိုင်းမှုများသည် FixYou ၏ ဆုံးဖြတ်မှုအရသော်လည်ကောင်း၊ ပြုပြင်မှုအခြေအနေအပေါ်သော်လည်းကောင်း မူတည်ပါသည်။

၁၄. ပြန်အမ်းငွေဆိုင်ရာ မူ၀ါဒ

Refund money (ပြန်အမ်းငွေ) သည် FixYou Team မှဆုံးဖြတ်ပြီးသော Customer ID များအတွက်သာအကျုံးဝင်သည်။Refund Money လျှောက်ထားနိုင်သူများသည် အောက်ဖော်ပြပါအချက်များနှင့် ကိုက်ညီမှုရှိမှသာ လျှောက်ထားနိုင်သည်။

• Customer များ၏ မိုဘိုင်းလ် Device များ ပျောက်ဆုံးခြင်း။
• ပိုင်ရှင်အသစ် ပြောင်းလဲခြင်း။ (မူလပိုင်ရှင်မှသာ Refund ထုတ်နိုင်သည်)
• အခြား မိုဘိုင်းလ် Device တစ်ခုသို့ ရွှေ့ပြောင်းခြင်း။ (ဖုန်းတစ်လုံးမှ အခြားအသစ်တစ်လုံးသို့ ပြောင်းလဲချိန်တွင် Customer ဘက်မှ တင်သွင်းထားသော အချက်အလက်များ ပြောင်းလဲသွားသောကြောင့် ဖြစ်သည်)

၁၅. စည်းမျဉ်း၊ စည်းကမ်းများနှင့်ပတ်သတ်၍ ပြင်ဆင်ချက်များ

• FixYou သည် ဤစည်းမျဉ်း၊ စည်းကမ်းများနှင့် အခြေခံမူများကို ကြိုတင်အသိပေးမှုမပြုလုပ်ဘဲ ပြင်ဆင်ခွင့်ရှိသည်။
• FixYou ၏ ဝန်ဆောင်မှုများကို ပြောင်းလဲမှုများပြုလုပ်ပြီးနောက် ဆက်လက်အသုံးပြုခြင်းသည် အသစ်သစ်သော စည်းမျဉ်း၊ စည်းကမ်း များကို လက်ခံခြင်းဖြစ်သည်။

၁၆. ဆက်သွယ်မေးမြန်းခြင်း

FixYou ၏ ဝန်ဆောင်မှုများ သို့မဟုတ် စည်းမျဉ်း၊ စည်းကမ်းများနှင့်ပတ်သက်၍ စုံစမ်းမေးမြန်းမှုများ ပြုလုပ်လိုပါက [INFORMATION] ကို ဆက်သွယ်နိုင်ပါသည်။